ریاض ۔ 28 نومبر (ایجنسیز) ریاض میٹرو منصوبے کو “گینز ورلڈ ریکارڈز” میں شامل کرلیا گیا ہے۔ یہ ڈرائیور کے بغیر دنیا کا سب سے طویل مکمل خود کار ٹرین نیٹ ورک ہے، جس کی لمبائی 176 کلو میٹر ہے۔ریاض میٹرو جو دارالحکومت کے پبلک ٹرانسپورٹ منصوبے کا حصہ ہے، چھ مربوط لائنوں پر مشتمل ہے اور اس میں 85 اسٹیشن شامل ہیں۔ اس ٹرین کو جدید ترین ٹیکنالوجی کے ساتھ چلایا جاتا ہے، جہاں ٹرین کا نظام مکمل طور پر خود کار ہے اور آپریشن مرکزی کنٹرول رومز سے کنٹرول کیا جاتا ہے۔ اس طرح انتہائی درست نگرانی اور اعلیٰ معیار کی حفاظت اور معیار کو یقینی بنایا جاتا ہے۔ریاض میں پبلک ٹرانسپورٹ نیٹ ورک (ٹرین اور بسیں) شہر میں ٹریفک، اقتصادی، شہری، سماجی اور ماحولیاتی پہلوؤں کو بہتر بنانے میں مدد گار ثابت ہو رہا ہے۔ یہ تمام شہریوں کے لیے آسان رسائی کو فروغ دے رہا ہے۔
