ریاض۔ (کے این واصف) ریاض میٹرو کی تعمیر کا عملاْ آغاز ہوئے ایک دہائی سے زیادہ کا عرصہ ہوچکا۔ شہر میں لوگ برسوں سے اس کے منتظر ہیں۔ میٹرو سرویس آغاز ہونے کی اطلاع شہریون کے لئے مسرت کی نوید ہے۔ تازہ اطلاع کے مطابق ریاض میٹرو سرویس کا آغاز رواں برس کے دوران کردیا جائے گا۔ اخبار 24 نے سرکاری ذرائع کے حوالے سے مزید کہا ہے کہ ریاض شہر میں تعمیر کی جانے والی میٹرو دنیا کے سب سے بڑے نقل و حمل کے منصوبوں میں سے ایک ہے۔میٹرو 6 ٹریکس پر مشتمل ہے جس کی مجموعی لمبائی 176 کلو میٹر ہے۔ اس کے 84 اسٹیشنز ہیں جو دارالحکومت کے بیشتر علاقوں کا احاطہ کریں گے۔ ریاض ریجن کے میئر شہزادہ فیصل بن عیاف نے ایک انٹرویو میں کہا تھا کہ ریاض میں اس وقت ٹریفک اڑدحام ہے اور ریاض میٹرو اس مسئلے کو حل کرنے میں اہم کردار ادا کرے گی۔ ٹریفک ازدحام سے بچنے کے لیے ایک موثر متبادل ہوگا۔ بن عیاف نے وضاحت کی کہ ریاض شہر کی سڑکوں پر 90 فیصد لوگ پرائیویٹ گاڑیوں کے ذریعے جبکہ 10 فیصد روایتی ٹیکسیوں اور ایپ ٹیکسی سرویس کے ذریعے سفر کرتے ہیں۔ دارالحکومت کے بہت سے رہائشیوں کو امید ہے کہ میٹرو سے ٹریفک ازدحام میں کمی آئے گی اور کاربن کے اخراج کو بھی کم کیا جاسکے گا۔ماہرین کا کہنا ہے کہ میٹرو منصوبہ ریاض شہر میں نقل و حمل کی راہ میں معاون ثابت ہوگا اور بڑی کانفرنسوں اور نمائشوں کے علاوہ ایکسپو 2030 اور 2034 ورلڈ کپ کے انعقاد سے فائدہ ہوگا۔
