ریاض: سعودی عرب کے دارالحکومت ریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔ Architects Journal نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا جو دنیا کا سب سے بلند ٹاور ہے اور اس کی اونچائی 829.8 میٹر ہے۔اسی طرح نیا ٹاور جدہ میں زیر تعمیر ٹاور سے بھی اونچا ہوگا جس کی بلندی ایک کلو میٹر بتائی جارہی ہے جبکہ امریکہ میں بلند ترین ٹاور سے چار گنا اونچا ہوگا۔ذرائع کا کہنا ہے کہ ریاض میں تعمیر ہونے والا ٹاور کنگ خالد ایئرپورٹ کے قریب ہوگا تاہم اس کے بارے میں مزید تفصیلات کا اعلان ابھی نہیں کیا گیا۔
