کریم نگر ۔ ضلع میں ریت کی غیر قانونی منتقلی میں ملوث افراد کے خلاف سخت کاروائی کریں ۔ ضلع کلکٹر کریم نگر ششانکا نے عہدیداروں کو یہ ہدایت دی ۔ بروز پیر ضلع کلکٹر کے چیمبر میں مائینگ عہدیداران و اراکین ضلع سطحی سینڈ کمیٹی کے ہمراہ جائزہ اجلاس منعقد کیا گیا ۔ اس موقع پرضلع کلکٹر نے ریت ٹیکس , مدی مانیکم , اندورتی , نواب پیٹ سینڈ ریچ پر سینڈ جوائنٹ انسپکشن ٹیم ممبران کو تنقیح کی ہدایت دی۔ ریت کی غیر قانونی منتقلی میں ملوث افراد کے خلاف سخت کاروائی کی جائے۔ “منا ایسوکا ” سواری کے ذریعہ سرکاری تعمیری کاموں و مکانات کی تعمیر کیلئے ٹراکٹروں کے ذریعہ ریت منتقل کی جائے۔ مناایسوکا ایپ میں ریت کی بکنگ کے متعلقہ کسی طرح کی ٹکنیکل دشواری پیش آنے پر عہدیداران کے علم میں لایا جائے۔ دیہاتوں میں ٹراکٹر کے ذریعہ ریت کی منتقلی پر فی ٹراکٹر ٹرپ کیلئے 100 روپئے ویلیج فنڈ ڈپازٹ کئے گئے تاحال ویلیج فنڈ کے تحت جملہ 68 لاکھ رقم ڈپازٹ ہوئے ہیں۔ اس ڈپازٹ کو دیہات میں سہولیات و انفراسٹراکچر کی فراہمی میں استعمال کیا جائے گا۔
