نئی دہلی: ریلائنس فاونڈیشن گجرات کے جام نگر میں 1,000 بستروں والا کووڈ کیئر سنٹر بنائے گا۔ سبھی بستروں پر آکسیجن دستیاب ہوگی۔ مریضوں کو تمام طبی خدمات مفت میں فراہم کی جائیں گی اور سہولیات کو قائم کرنے اور چلانے کے تمام اخراجات ریلائنس برداشت کرے گا۔ ایک ہفتہ کے اندر جام نگر کے سرکاری ڈینٹل کالج اینڈ ہاسپٹل میں 400 بیڈ کا کووڈ کیئر سینٹر شروع ہوجائے گا۔ اس کے بعد اگلے دو ہفتہ میں جام نگر میں ہی ایک دیگر جگہ پر600 بیڈ کا کووڈ کیئر سینٹر چالو کیا جائے گا۔ سبھی ضروری اسٹاف، طبی امداد ، میڈیکل ساز و سامان ، دیگر ڈسپوزیبل اشیاء کو ریلائنس کے ذریعہ دستیاب کرایا جائے گا۔ ڈاکٹروں اور نرسنگ اسٹاف کی تعیناتی ریاستی حکومت کی طرف سے کی جائے گی۔ جام نگر ایک بڑا شہر ہے اس لئے آس پاس کے اضلاع سے مریض بھی یہاں پہنچ رہے ہیں۔ کووڈ کیئر سنٹربننے سے جام نگر کے علاوہ کھمبالیا، دوارکا، پوربندر اور سوراشٹر سمیت دیگر علاقوں میں رہنے والے لوگوں کو بھی راحت ملے گی۔ ریلائنس فاونڈیشن کی بانی اور چیرپرسن نیتا ایم امبانی نے کہاکہ ہندوستان کووڈ کی دوسری لہر سے لڑ رہا ہے اور ہم ہر طرح سے مدد کرنے کیلئے اپنے عہد کے پابند ہیں۔ اس کے علاوہ صحت کی خدمات کی سب سے زیادہ ضرورت ہے۔ ریلائنس فاونڈیشن گجرات کے جام نگر میں کووڈ مریضوں کیلئے آکسیجن کی دستیابی والے 1000 بستروں والا اسپتال قائم کرے گا۔400 بیڈ کا پہلا سینٹر ایک ہفتہ کے اندر تیار ہوجائے گا اور دوسرے ہفتے میں دیگر 600 بیڈ والاسنٹر کام کرنے لگے گا۔یہ اسپتال مفت میں بہترین علاج کرے گا۔ عالمی وباء کی شروعات سے ہی ریلائنس فاونڈیشن سبھی ہندوستانیوں کے ساتھ کندھے سے کندھا ملاکر کھڑا ہے۔ بیش قیمت زندگیاں بچانے کیلئے ہماری انتھک کوشش جاری رہیں گی۔ ساتھ مل کر ہم کورونا کو ہرا سکتے ہیں اور ہم اس لڑائی کو جیتیں گے۔‘‘ ریلائنس انڈسٹریز لمیٹڈ میں گروپ پریزیڈنٹ دھنراج ناتھوانی نے کہاکہ وزیراعظم نریندر مودی اس کووڈ وباء کے دوران عوام کیلئے کام کررہے ہیں۔
