نئی دہلی:دو سال قبل ہندوستانی ریلوے نے کورونا وبا کی وجہ سے بزرگوں کو دی گئی چھوٹ ختم کر دی تھی۔کوروناکے بہانے ریل کرائے میں جم کراضافہ ہوا۔آن لائن ٹکٹ کے کرائے میں اضافے اورمختلف طریقوں سے جم کرکمائی کی گئی۔اب سوال یہ پیدا ہوتا ہے کہ کورونا کی وبا تھم گئی ہے اور ریلوے اپنی پوری استطاعت کے ساتھ چل رہا ہے، تو پھر ریل سفر میں بزرگوں کو دی جانے والی چھوٹ کب سے شروع ہوگی؟ریلوے کے وزیر اشونی ویشنو نے اس بارے میں پارلیمنٹ میں جواب دیا ہے۔ ریلوے کے وزیر اشونی ویشنو نے بدھ کو لوک سبھا کو بتایا کہ تقریباً سات کروڑ بزرگ شہری تقریباً دو سالوں سے ٹرینوں میں بغیر کسی چھوٹ کے سفر کر رہے ہیں اور ابھی تک اس چھوٹ کو بحال کرنے کا کوئی منصوبہ نہیں ہے۔ ریلوے نے مارچ 2020 میں یہ سہولت متعارف کرائی تھی۔
