حیدرآباد /22 اگست (یواین آئی) تلنگانہ کانگریس ہیڈکوارٹرس گاندھی بھون کی مرمت کے کاموں کا صدر پردیش کانگریس ریونت ریڈی نے معائنہ کیا۔انہوں نے اے آئی سی سی سکریٹری کے ساتھ کاموں کا تفصیلی معائنہ کیا۔پی سی سی عاملہ کمیٹی ہال، سٹنگ ہال میں لائٹنگ، بیٹھنے کے انتظامات کا انہوں نے جائزہ لیا ۔ بعدازاں انہوں نے اے آئی سی سی کے سکریٹریز کے ساتھ اجلاس منعقد کیا۔ریاست میں کانگریس میں نئی جان ڈالنے میں مصروف ریونت ریڈی نے اب اپنی توجہ گاندھی بھون کے کاموں پر بھی مرکوز کی ہے ۔نئے صدر پی سی سی کا عہدہ سنبھالنے کے بعد پہلی مرتبہ انہوں نے گاندھی بھون کے کاموں کا تفصیلی جائزہ لیا۔