نئی دہلی :ملک میں مہاراشٹرا ، پنجاب اور کرناٹک سمیت 22 ریاستوں، مرکز کے زیر کنٹرول علاقوں میں کورونا وائرس کے ایکٹیو کیسز میں اضافہ ہوا ہے جبکہ کیرالا میں یہ کیسز لگاتار کم ہورہے ہیں۔گذشتہ 24 گھنٹوں کے دوران مہاراشٹرا میں ایکٹیو کیسز کی تعداد 5090 سے بڑھ کر مجموعی تعداد 99,205 ہوگئی ہے ۔ اسی عرصے کے دوران کیرالا میں کورونا کے ایکٹیو کیسز 1952 سے گھٹ کر 41,162 رہ گئے ہیں۔اسی عرصے کے دوران مہاراشٹرا اور کیرالا میں سب سے زیادہ تعداد 6013 اور 4039 مریض شفایاب ہوئے ۔ ملک میں سب سے زیادہ شفایاب ریاستوں میں مہاراشٹرا پہلے اور کیرالا دوسرے نمبر پر ہے ۔پیر کی صبح مرکزی وزارت صحت کی جانب سے جاری کردہ تازہ ترین اعداد و شمار کے مطابق گذشتہ 24 گھنٹوں کے دوران کورونا وائرس کے 18,599 نئے کیسز رپورٹ ہوئے جس سے یہ سے یہ تعداد ایک کروڑ 12 لاکھ 29 ہزار 398 ہوچکی ہے ۔ گزشتہ 24 گھنٹوں کے دوران 14,278 مریض صحتمند ہوئے اور یہ تعداد بڑھ کر 1,08،82,798 ہوچکی ہے ۔ فعال کیسز 4,224 سے بڑھ کر مجموعی تعداد 1,88,747 ہو چکی ہے ، اور اسی عرصے کے دوران 97 کورونا مریضوں کی موت سے متوفیوں کی مجموعی تعداد1,57,853 ہوچکی ہے ۔
