دیگر ممالک میں قبلہ کا تعین کرنے میں معاون نظارہ
مکہ مکرمہ۔28 اپریل (سیاست ڈاٹ کام )جدہ میں فلکیاتی علوم کی سوسائٹی نیکہا ہے کہ7 رمضان جمعرات 30 اپریل کو چاند خانہ کعبہ کے اوپر ہوگا اوریہ نظارہ مملکت بھر میں کسی دوربین کے بغیر دیکھا جاسکے گا۔ تفصیلاتکے مطابق جدہ فلکیاتی سوسائٹی کے سربراہ ماجد ابو زاہرہ نے فیس بک پیج پر بیان میں کہا کہ چاند رات کو گیارہ بجکر 39 منٹ پر مکہ مکرمہ کے افق پر نظر آئے گا۔ ماجد نے کہا کہ جس وقت چاند خانہ کعبہ کے اوپر ہوگا اس وقت وہ 895151 ڈگری کی اونچائی پر ہوگا۔ چاند 47.8 فیصد روشن ہوگا اور سورج سے 387154 کلو میٹر کے فاصلے پر ہوگا۔ چاند کے خانہ کعبہ کے اوپر نظر آنے کا واقعہ ستاروں، سیاروں کی گردش سے متعلق ماہرین فلکیات کے دقیق ترین حساب کا پتہ دیتا ہے۔اس سے اندازہ ہوتا ہے کہ ماہرین چاند سمیت تمام ستاروں اور سیاروں کے محل وقوع کی نشاندہی دقیق ترین شکل میں کررہے ہیں۔انہوں نے مزید کہا کہ چاند کے خانہ کعبہ کے اوپر نظر آنے کے واقعہ کی مدد سے قبلے کا رخ آسانی سے متعین کیا جاسکتا ہے۔ دور دراز کے ممالک کے باشندے اس واقعہ کو دیکھ کرخانہ کعبہ کی طرف مساجد کا رخ ہونے نہ ہونے کا پتہ آسانی سے لگا سکتے ہیں۔ ماضی میں دنیا بھر کے لوگ اسی قسم کے واقعات کو بنیاد بناکر قبلے کا رخ متعین کیا کرتے تھے۔یاد رہے کہ ا س سال چاند خانہ کعبہ پر دوسری مرتبہ نظر آئے گا کیونکہ پہلی مرتبہ 6 مارچ 2020 کو یہ واقعہ پیش آیا تھا۔یاد رہے کہیہ خبر کے سوشل میڈیا پر وائرل ہوئی ہے اور لوگ زیادہ سے زیادہ اسے شئیر کررہے ہیں۔