حیدرآباد۔ ہندوستانی آل راؤنڈر رویندر جڈیجہ کے حیدرآباد میں پہلے ٹسٹ کے چوتھے دن عضلات میں جکڑن کی تکلیف کی وجہ سے انگلینڈ کے خلاف وشاکھاپٹنم میں دوسرے ٹسٹ میچ سے محروم ہوئے ہیں ۔ جیسے ہی ان کے اسکین کی رپورٹس حیدرآباد سے ممبئی کے میڈیکل انسٹی ٹیوٹ تک پہنچی، جڈیجہ دوسرے ٹسٹ میں غیر یقینی صورتحال کے ساتھ دستیاب رہے۔ کرک بز کے مطابق ابتدائی تشخیص اگرچہ حتمی نہیں لیکن اس کے بعد کے ٹسٹ میں واپسی کی امید کی کرن دکھائی دیتی ہے۔ واپسی کے دوران چوٹ پر جڈیجہ کا ردعمل حوصلہ افزا نہیں تھا اور ابتدائی تشخیص مثبت نہیں ہے، حالانکہ ابھی تک کچھ بھی حتمی نہیں ہے۔ غیر یقینی صورتحال میں پھنسے کوچ راہول ڈراویڈ نے جڈیجہ کی فٹنس کے بارے میں معلومات کی کمی کو تسلیم کرتے ہوئے صورتحال کو کھلا رکھا۔ ایمانداری سے مجھے ابھی تک فزیو سے بات کرنے کا موقع نہیں ملا ہے۔ ایک بار جب میں واپس آؤں گا، میں ان سے بات کروں گا اور دیکھوں گا۔ اگر جڈیجہ دستیاب نہیں ہوتے ہیں تو باصلاحیت کلدیپ یادو ایک ممکنہ متبادل کے طور پر سامنے آئیں گے۔ تاہم جڈ یجہ کی غیر موجودگی سے جو خلا باقی رہ جائے گئی وہ واضح ہو جائے گا، خاص طور پر ان کی مؤثر بیٹنگ اور فیلڈنگ کی غیر معمولی مہارتوں کی کمی محسوس ہوگی۔ پہلی اننگز میں وہ87 رنز کے ساتھ ہندوستان کے سب سے زیادہ سکورر بن کر ابھرے۔ بین اسٹوکس کی جانب سے راست شاندار تھرو جس کی وجہ سے جڈیجہ دوسری اننگز میں رن آؤٹ ہوئے اور اب ان کی عدم دستیابی سے ہندوستان کے لئے مزید مسائل ہوں گے۔
