ممبئی : غیر ملکی کرنسی کے اثاثے پانچ ارب ڈالر سے زیادہ بڑھنے سے 09 اکتوبر کو ختم ہفتے میں ملک کا زر مبادلہ پہلی مرتبہ 550 ارب ڈالر سے زیادہ ہو گیا۔ ریزرو بینک آف انڈیا (آر بی آئی) کی جانب سے جاری اعداد و شمار کے مطابق 09 اکتوبر کو ختم ہفتے میں ملک کے زر مبادلہ کا ذخیرہ 5.87 ارب ڈالر کا ہو گیا۔ یہ مسلسل دوسرا ہفتہ ہے جبکہ اس میں اضافہ ہوا ہے ۔ قبل ازیں 02 اکتوبر کو ختم ہفتے میں یہ 3.62 ارب ڈالر بڑھ کر 545.64 ارب ڈالر پر تھا۔ آر بی آئی نے بتایا کہ 09 اکتوبر کو ختم ہفتے میں زر مبادلہ کے ذخیرے کا سب سے بڑا جزو غیر ملکی کرنسی کا اثاثہ 5.74 ارب ڈالر کے اضافے کے ساتھ 508.78 ارب ڈالر تک پہنچ گیا۔ سونے کا ذخیرہ بھی 11.3 کروڑ ڈالر بڑھ کر 36.60 ارب ڈالر کا ہو گیا۔ بین الاقوامی مالیاتی فنڈ (آئی ایم ایف) کے پاس ریزیرو فنڈ 1.3 کروڑ ڈالر بڑھ کر 4.64 ارب ڈالر پر اور اسپیشل ڈرائنگ رائٹ 40 لاکھ ڈالر کے اضافے کے ساتھ 1.48 ارب ڈالر پر تھا۔