ممبئی : ملک کے غیر ملکی زرمبادلہ کے ذخائر 03 فروری کو ختم ہونے والے ہفتہ میں 1.5 بلین ڈالر کم ہو کر 575.3 بلین ڈالر رہ گئے ، جبکہ گزشتہ ہفتہ یہ 3.03 بلین ڈالر کے اضافہ کے ساتھ 576.8 بلین ڈالر پر رہا تھا۔ ریزرو بینک کے جاری کردہ ہفتہ وار اعداد و شمار کے مطابق غیر ملکی کرنسی کے اثاثے ، جو کہ غیر ملکی زرمبادلہ کے ذخائر کا سب سے بڑا جزو ہے ، 03 فروری کو ختم ہونے والے ہفتہ میں 1.32 بلین ڈالر کم ہو کر 507.7 بلین ڈالر رہ گئے ۔ اسی طرح اس عرصے کے دوران سونے کے ذخائر میں 246 ملین ڈالر کی کمی ہوئی اور وہ گر کر 43.8 بلین ڈالر رہ گئے ۔ وہیں، رپورٹنگ ہفتے کے دوران خصوصی ڈرائنگ رائٹس (ایس ڈی آر) میں 66 ملین ڈالر کا اضافہ ہوا اور 18.54 بلین ڈالر تک پہنچ گیا۔
