ممبئی : غیر ملکی کرنسی کے اثاثوں اور خصوصی ڈرائنگ کے حقوق میں اضافہ ہونے سے 28 اپریل کو ختم ہونے والے ہفتے میں ملک کے غیر ملکی زرمبادلہ کے ذخائر 4.5 ارب ڈالر بڑھ کر 588.8 ارب ڈالر ہو گئے ، جو کہ گزشتہ ہفتے 2.2 ارب ڈالر کم ہو کر 584.23 ارب ڈالر پر رہاتھا۔ریزرو بینک کے جاری کردہ ہفتہ وار اعداد و شمار کے مطابق 28 اپریل کو ختم ہونے والے ہفتے میں غیر ملکی زرمبادلہ کے ذخائر کا سب سے بڑا جزو غیر ملکی کرنسی کے اثاثے 4.99 ارب ڈالر بڑھ کر 519.5 ارب ڈالر تک پہنچ گئے ۔ وہیں اس عرصے کے دوران سونے کے ذخائر 49.4 کروڑ ڈالر کم ہوکر 45.7 ارب ڈالر پر آگیا۔زیر جائزہ ہفتے کے دوران، خصوصی ڈرائنگ رائٹس (ایس ڈی آر) 3.5 کروڑڈالر اضافہ ہوگیا اور یہ بڑھ کر18.5 ارب ڈالر پرپہنچ گیا۔ ساتھ ہی اس عرصے کے دوران بین الاقوامی مالیاتی فنڈ کے پاس ریزرو فنڈ 40 لاکھ ڈالر کی کمی سے 5.17 ارب ڈالر رہ گیا۔