ممبئی : غیر ملکی کرنسی کے اثاثوں، سونے کے ذخائر، خصوصی ڈرائنگ رائٹس (ایس ڈی آر) اور بین الاقوامی مالیاتی فنڈ (آئی ایم ایف) کے پاس ریزرو فنڈ میں بھاری کمی آنے سے 26 مئی کو ختم ہونے والے ہفتے میں ملک کے غیر ملکی زرمبادلہ کے ذخائر 4.34 ارب ڈالر کم ہوکر مسلسل دوسرے ہفتے جاری گراوٹ کے ساتھ 589.14 ارب ڈالر پر آ گئے ، جبکہ پچھلے ہفتے میں 6.1 ارب ڈالرکم ہوکر593.5 ارب ڈالر رہاتھا۔ریزرو بینک کے جاری کردہ ہفتہ وار اعداد و شمار کے مطابق 26 مئی کو ختم ہونے والے ہفتے میں زرمبادلہ کے ذخائر کا سب سے بڑا جزو غیر ملکی کرنسی کے اثاثے 4.01 ارب ڈالر کم ہو کر 520.9 ارب ڈالر رہ گئے ۔ اسی طرح اس عرصے کے دوران سونے کے ذخائر 22.5 کروڑ ڈالر کم ہوکر 44.9 ارب ڈالر رہ گئے ۔زیر جائزہ ہفتے کے دوران ایس ڈی آرمیں 8.4 کروڑ ڈالر کی کمی ہوئی اور یہ کم ہوکر 18.2 ارب ڈالرپر آگیا۔ اسی طرح اس عرصے کے دوران آئی ایم ایف کے پاس ریزرو فنڈ 1.7 کروڑ ڈالرکم ہوکر5.1 ارب ڈالر رہ گئے ۔
