ممبئی : غیر ملکی کرنسی کے اثاثوں، سونے کے ذخائر، خصوصی ڈرائنگ رائٹس (ایس ڈی آر) اور بین الاقوامی مالیاتی فنڈ (آئی ایم ایف) کے ذخائر میں زبردست کمی کی وجہ سے 19 مئی کو ختم ہونے والے ہفتے میں ملک کے غیر ملکی زرمبادلہ کے ذخائر 6.1 بلین ڈالر کم ہوکر 593.5 بلین ڈالر رہا جبکہ پچھلے ہفتے میں 3.6 بلین ڈالر بڑھ کر 599.5 بلین ڈالر رہاتھا۔ریزرو بینک کے جاری کردہ ہفتہ وار اعداد و شمار کے مطابق غیر ملکی کرنسی کے اثاثے ، جو کہ غیر ملکی زرمبادلہ کے ذخائر کا سب سے بڑا جزو ہے ، 19 مئی کو ختم ہونے والے ہفتے میں 4.7 بلین ڈالر کی کمی کے ساتھ 524.9 بلین ڈالر رہ گئے ۔ اسی طرح اس عرصے کے دوران سونے کے ذخائر 1.23 بلین ڈالر کم ہو کر 45.13 بلین ڈالر رہ گئے ۔زیر جائزہ ہفتے کے دوران ایس ڈی آر میں 137 ملین ڈالر کی کمی ہوئی اور وہ کم ہو کر 18.3 بلین ڈالر پر آ گیا۔ اسی طرح اس عرصے کے دوران آئی ایم ایف کے پاس ذخائر 35 ملین ڈالر کم ہو کر 5.1 بلین ڈالر رہ گئے ۔
