نئی دہلی : ڈیفنس ریسرچ اینڈ ڈیولپمنٹ آرگنائزیشن نے چہارشنبہ کو ملک میں تیار کردہ زمین سے زمین پر نشانہ لگانے والے ’پرلے ‘ میزائل کا کامیاب تجربہ کیا۔ پرلے کو اوڈیشہ کے ڈاکٹر اے پی جے عبدالکلام جزیرے سے داغا گیا اور اس نے اپنے تمام اہداف کو پورا کیا۔ تجربے کے دوران میزائل کے تمام سسٹمز نے کامیابی سے کام کیا اور بالکل درستگی کے ساتھ ہدف کو نشانہ بنایا۔ نئی ٹیکنالوجی سے لیس اس میزائل کو موبائل لانچر سے لانچ کیا جا سکتا ہے اور یہ 150سے 500کلومیٹر تک نشانہ کی صلاحیت رکھتا ہے۔ وزیردفاع راج ناتھ سنگھ اور ڈی آر ڈی او کے چیرمین ڈاکٹر جی ستیش ریڈی نے میزائل کی تیاری اور لانچ میں شامل ٹیموں کو مبارکباد دی ہے ۔
