حیدرآباد۔ شہر کے علاقہ ملک پیٹ میں پیش آئے ایک واقعہ میں زیر تعمیر عمارت سے گرنے کے نتیجہ میں ایک سنیٹرنگ مزدور ہلاک ہوگیا۔ پولیس کے بموجب 22 سالہ محمد سلیم پاشاہ ساکن سلیمان نگر چنتل علاقہ ملک پیٹ میں واقع ایک زیر تعمیر عمارت کی پانچویں منزل پر کام کررہا تھا اور اتفاقی طور پر گرنے کے نتیجہ میں وہ برسر موقع ہلاک ہوگیا۔ پولیس ملک پیٹ نے اس سلسلہ میں عمارت کی تعمیر کروانے والے متعلقہ افراد کے خلاف لاپرواہی کا ایک مقدمہ درج کئے جانے کی اطلاع ہے۔ نعش کو بغرض پوسٹ مارٹم دواخانہ عثمانیہ کے مردہ خانہ منتقل کیا گیا۔
