حیدرآباد۔راجندر نگر کے علاقہ حیدر گوڑہ میں پیش آئے ایک واقعہ میں زیر تعمیر مکان میں کام کرنے کے دوران گرنے کے نتیجہ میں پلمبر برسر موقع ہلاک ہوگیا۔ بتایا جاتا ہے کہ 42 سالہ بی وی راؤ جو حیدر گوڑہ کا ساکن اسی علاقہ میں زیر تعمیر مکان میں کام کررہا تھا 29 مئی کو اتفاقی طور پر نیچے گر پڑا جس کے نتیجہ میں اس کی موت واقع ہوگئی۔ پولیس راجندر نگر نے راؤ کی نعش کو دواخانہ عثمانیہ بغرض پوسٹ مارٹم منتقل کیا اور کنٹراکٹر کے خلاف لاپرواہی کا مقدمہ درج کرلیا۔
