حیدرآباد۔31جولائی (یو این آئی) تلنگانہ کی سائبر کرائم پولیس نے گزشتہ ایک ہفتہ کے دوران 18 سائبر جرائم کے معاملات کا پتہ لگاتے ہوئے ملک کی مختلف ریاستوں سے 31 افرادکو گرفتار کیا ہے ۔ ان میں سے 19 افراد کا تعلق تجارتی فراڈ سے بتایا گیا ہے ۔پولیس نے نو افرادکو گرفتار کر کے عدالتی حراست میں بھیج دیا، جو ایک گینگ تشکیل دے کر سائبر جرائم کی سازش میں ملوث تھے ۔ پولیس نے اس کارروائی کے دوران دو کاریں، ایک لیپ ٹاپ، 32 موبائل فون، سات چیک بکس اور 82,500 روپے نقد رقم ضبط کی۔اسی مدت کے دوران حکام نے کامیابی کے ساتھ 60 مقدمات میں عدالت سے 283 ریفنڈ آرڈرز حاصل کیے ، جس کے نتیجی میں متاثرین کو مجموعی طور پر 1,20,77,214 روپے واپس کیے جائیں گے ۔
