واشنگٹن ۔19 مئی ۔ ( ایجنسیز ) مریکہ کے سابق صدر جو بائیڈن کو پروسٹیٹ کینسر کی تشخیص ہوئی ہے، جو ان کی صحت کے حوالے سے ایک اہم اور سنجیدہ خبر ہے۔ بائیڈن کے دفتر کی جانب سے اتوار کے روز جاری بیان میں بتایا گیا کہ 82 سالہ سابق صدر کو پیشاب سے متعلق مسائل کے باعث طبی معائنہ کروایا گیا۔ معائنے میں ڈاکٹروں نے ان کے پروسٹیٹ میں گلٹی دریافت کی، جس کے بعد مزید جانچ کی گئی۔جمعہ کو یہ تصدیق ہوئی کہ جو بائیڈن پروسٹیٹ کینسر میں مبتلا ہیں اور کینسر کے خلیے اُن کی ہڈیوں تک بھی پھیل چکے ہیں۔ ان کے کینسر کا گلیسن اسکور 9 ہے، جو بیماری کی انتہائی سنگین اور پیچیدہ حالت کو ظاہر کرتا ہے۔ بائیڈن اور ان کے خاندان نے معالجین کے ساتھ علاج کے متبادل پر غور شروع کر دیا ہے۔یہ اطلاع آنے کے بعد عالمی سیاسی رہنماؤں نے جو بائیڈن کی صحت یابی کے لیے نیک خواہشات کا اظہار کیا ہے۔ سابق صدر ڈونالڈ ٹرمپ نے سوشل میڈیا پر افسوس کا اظہار کرتے ہوئے ان کی جلد صحت یابی کی دعا کی ہے۔ سابق نائب صدر کملا ہیرس نے جو کو ایک سچا مجاہد قرار دیا اور ان کے حوصلے کو سراہا۔ سابق صدر باراک اوباما نے بھی اپنی دعائیں جو بائیڈن کے ساتھ ہونے کا اعلان کیا اور ان کے عزم کی تعریف کی۔ یہ بیماری جو بائیڈن کے لیے ایک بڑا چیلنج ہے، لیکن ان کے قریبی افراد اور عالمی برادری کی حمایت اور دعاوں سے امید ہے کہ وہ اس مشکل وقت سے بخوبی نکل آئیں گے۔
