نئی دہلی: کانگریس صدر ملک ارجن کھرگے، سابق صدر سونیا گاندھی اور راہول گاندھی نے اتوار کی صبح سابق وزیر اعظم اندرا گاندھی کو ان کے 106 ویں یوم پیدائش پر خراج عقیدت پیش کیا۔مسٹر کھرگے، کانگریس پارلیمانی پارٹی کی لیڈر سونیا گاندھی، راہول گاندھی، کانگریس جنرل سکریٹری کے سی وینوگوپال اور دیگر قائدین نے سابق وزیر اعظم کی سمادھی شکتی استھل کا دورہ کیا اور پھول چڑھا کر انہیں خراج عقیدت پیش کیا۔کانگریس نے اپنے آفیشل پیج پر ٹوئٹ کرکے کہا، “آج پورا ملک ہندوستان کی ‘آئرن لیڈی’ اندرا گاندھی کو یاد کر رہا ہے ، جو طاقت، ہمت اور موثر قیادت کی ایک مثال تھیں۔”پارٹی نے سابق وزیر اعظم کو خراج عقیدت پیش کرتے ہوئے کانگریس کے سرکردہ رہنماؤں کا ویڈیو جاری کرکے انہیں سلامی دی۔
سابق وزیر اعظم اندرا گاندھی کو وزیراعظم مودی کا خراج
نئی دہلی: وزیر اعظم نریندر مودی نے اتوار کو سابق وزیر اعظم اندرا گاندھی کو ان کی 106 ویں یوم پیدائش پر خراج عقیدت پیش کیا۔سوشل میڈیا پلیٹ فارم ‘ایکس’ پر سابق وزیر اعظم کو خراج تحسین پیش کرتے ہوئے مودی نے کہا کہ ہندوستان کی سابق وزیراعظم اندرا گاندھی کو ان کی یوم پیدائش پر خراج عقیدت۔ ہندوستان کی پہلی اور اب تک کی واحد خاتون وزیر اعظم مسز گاندھی 19 نومبر 1917کو پیدا ہوئی تھیں۔ وہ انڈین نیشنل کانگریس کی رہنما کے طور پر ہندوستانی سیاست میں ایک اہم شخصیت تھیں۔