اسلام آباد: حکومت نے شاہ محمود قریشی،اسد عمر، پرویز خٹک اور شیخ رشید سمیت 10سیاسی قائدین کے سفارتی پاسپورٹ منسوخ کردیے۔تفصیلات کے مطابق ڈائریکٹوریٹ آف پاسپورٹ اینڈ امیگریشن کی جانب سے تحریک انصاف کے 10سیاسی قائدین کے ڈپلومیٹک پاسپورٹ منسوخ اور غیر فعال کردئیے گئے۔جن قائدین کے پاسپورٹ منسوخ کیے گئے ہیں ان میں عون عباسی، شاہ محمود قریشی، اسد عمر، پرویز خٹک، علی امین گنڈاپور، علی محمد خان، فرخ حبیب، زرتاج گل اعظم خان سواتی اور عوامی مسلم لیگ کے سربراہ و پی ٹی آئی کے حامی شیخ رشید احمد شامل ہیں۔
