نئی دہلی: ایک مشترکہ کارروائی میں قانون نافذ کرنے والی ایجنسیوں نے آج گجرات کے ساحل کے نزدیک ہندوستانی آبی حدود میں ایک غیر رجسٹرڈ بحری جہاز سے تقریباً 700 کلو گرام میتھامفیٹامین ضبط کی۔نارکوٹکس کنٹرول بیورو ‘ بحریہ و گجرات پولیس کی اسپیشل ٹاسک فورس کی مشترکہ کارروائی میں آٹھ غیر ملکی شہریوں کو گرفتار کیا گیا ہے ۔ این سی بی کے بیان کے مطابق گرفتار ملزمان نے ایرانی ہونے کا دعویٰ کیا ہے ۔ این سی بی نے کہاکہ مسلسل انٹیلی جنس اکٹھا کرنے اور تجزیہ کی وجہ سے معتبر معلومات ملی کہ ایک غیر رجسٹرڈ جہاز، جس میں اے آئی ایس نصب نہیں ہے ، نشہ آور ادویات کے ساتھ ہندوستانی آبی حدود میں داخل ہو گا۔ان معلومات پر آپریشن ساگر- منتھن’ -4′ شروع کیا گیا اور ہندوستانی بحریہ نے اپنے مشن میں تعینات میری ٹائم گشتی اثاثوں کو متحرک کرکے جہاز کی نشاندہی کی اور اسے روکا، جس کی وجہ سے جمعہ کو ممنوعہ اشیاء کو ضبط کیا گیا اور ملزم کو گرفتار کیا گیا۔ یہ ڈرگ سنڈیکیٹ کیسے کام کرتا ہے ، اس کے پیچھے کون ہے اور اس کے کیا کنکشن ہیں۔ اس کیلئے انہیں غیر ملکی ڈی ایل ای اے کی مدد لینی پڑرہی ہے تاکہ وہ اس سنڈیکیٹ کے بین الاقوامی تعلقات کو سمجھ سکیں۔
