ممبئی ،17 جولائی (ایجنسیز) سال2025 میں باکس آفس پرکافی دلچسپ مقابلے دیکھنے کو مل رہے ہیں۔ 2025 کے اب تک 7 مہینے گزرنین کو ہیںاور ان7 مہینوں میں وکی کوشل کی چھوا ملک کی سب سے زیادہ کمائی کرنے والی فلم بنی ہوئی ہے۔ اس کے مقابلے میں باقی تمام فلمیں بہت پیچھے ہیں لیکن اس دوران ایک فلم ریلیز ہوئی ہے جس نے چھواکو بھی پیچھے چھوڑ دیا ہے۔ اس فلم نے پہلے باکس آفس پر دھوم مچا دی اور اب اسے اوٹی ٹی پلیٹ فارم پر بھی کافی پسند کیا جا رہا ہے۔ ٹورسٹ فیملی فلم29 اپریل 2025 کو سینما گھروں میں ریلیز ہوئی تھی۔ رپورٹس کے مطابق اس فلم کا بجٹ 7 کروڑ روپے تھا۔ جب یہ فلم ریلیز ہوئی تو اسے زیادہ تشہیر نہیں ملی۔ فلم بغیرکسی دھوم دھام کے ریلیز ہوئی لیکن اس فلم کو بہت پسند کیا جانے لگا۔ یہی وجہ ہے کہ 7 کروڑ کے بجٹ میں بننے والی اس فلم کی ایک بارکمائی شروع ہوئی تو رکی نہیں۔ رپورٹس پر یقین کیا جائے تو فلم نے اپنے بجٹ سے 13 گنا زیادہ کماکر خودکو ثابت کیا۔ سال 2025 میں اب تک کوئی فلم یہ کارنامہ انجام نہیں دے پائی ہے۔2025 میں کئی فلمیں ریلیز ہو چکی ہیں۔ بالی ووڈ اور ساؤتھ کی کئی فلموں نے اچھا کاروبار کیا ہے۔ وکی کوشل کی چاوا کے علاوہ اس میں اکشے کمار کی اسکائی فورس اورکیسری چیپٹر2، عامر خان کی ستارے زمین پر، اجے دیوگن کی ریڈ 2 اورکئی دیگر فلمیں شامل ہیں۔ وکی کوشل کی چھوا سال 2025 کی سب سے زیادہ کمائی کرنے والی فلم ثابت ہوئی ہے۔ اس فلم نے800 کروڑ سے زیادہ کا بزنس کیا تھا اور اب تک کوئی اور فلم اس سال اس اعداد و شمار کے نصف کے قریب بھی نہیں پہنچ سکی ہے۔ لیکن پھر بھی7 کروڑ کی ٹورسٹ فیملی نے اس فلم کو بڑے فرق سے پیچھے چھوڑدیا ہے۔ چھوا کا بجٹ تقریباً 130 کروڑ روپے تھا اور فلم نے 800 کروڑ کی کمائی کی۔ یعنی اس فلم نے تقریباً 6 گنا زیادہ کمائی کی۔ دوسری جانب سلمان خان کا سکندر بھی اپنا بجٹ وصول نہیں کر سکی۔ عامر خان کی ستارہ زمین پرکا بجٹ 80 کروڑ روپے تھا اور ساکنلک کی رپورٹس کے مطابق اس فلم کا کلیکشن 260 کروڑ روپے تک پہنچ گیا ہے۔ اس کا مطلب ہے کہ فلم اپنے بجٹ سے 3 گنا زیادہ کمانے میں کامیاب رہی ہے۔ ایسے میں یہ دیکھنا دلچسپ ہوگا کہ آنے والے وقت میں سال 2025 میں ٹورسٹ فیملی فلم کا یہ ریکارڈ کون توڑ سکتا ہے۔
