نئی دہلی: حکومت نے کہا ہے کہ ستمبر 2021 میں ایمپلائیز پراویڈنٹ فنڈ آرگنائزیشن کے پروویڈنٹ فنڈ سے زائداز آٹھ لاکھ 94 ہزار ایمپلائیز ہیلتھ انشورنس اسکیم سے 13 لاکھ 37 ہزار سے زیادہ اسٹیٹ انشورنس کارپوریشن اور نیشنل پنشن اسکیم سے 72,000 سے زائد ملازمین وابستہ ہوئے ہیں۔ جمعرات کو ستمبر 2021 میں روزگار کے منظر نامے سے متعلق اعداد و شمار جاری کرتے ہوئے ، مرکزی شماریات کے دفتر نے یہاں کہا کہ ستمبر 2021 میں کل آٹھ لاکھ 94 ہزار 732 نئے ملازمین ایمپلائز پروویڈنٹ فنڈ آرگنائزیشن (ای پی ایف او) میں شامل ہوئے ہیں۔ ان میں سے چھ لاکھ 70 ہزار 43 مرد اور دو لاکھ 24 ہزار 569 خواتین ہیں۔ ان کے علاوہ 12 تیسری جنس کے افراد ہیں اور آٹھ کے بارے میں معلومات دستیاب نہیں ہیں۔ ستمبر 2017 سے ستمبر 2021 کی مدت میں کل ای پی ایف او میں 4 کروڑ 71 لاکھ 24 ہزار 523 نئے ملازمین شامل ہوئے ہیں۔ اعداد و شمار کے مطابق ستمبر 2021میں ایمپلائز اسٹیٹ انشورنس کارپوریشن (ای ایس آئی سی ) کے دوران 13 لاکھ 37 ہزار 797 ملازمین کو شامل کیا گیا ہے ۔ ان میں سے 10 لاکھ 99 ہزار 189 مرد اور دو لاکھ 38 ہزار 577 خواتین ہیں۔
