لندن۔ اوول میں ورلڈ ٹسٹ چمپئن شپ کے فائنل کے پہلے دن صرف تین وکٹیں لینے کے بعد ہندوستان نے دوسرے دن کے کھیل کے پہلے سیشن میں سنچری بنانے والے ٹریوس ہیڈ اور اسٹیو اسمتھ سمیت چار وکٹوں کے ساتھ ایک پرجوش آغاز کیا، جیسا کہ جمعرات کو یہاں لنچ تک آسٹریلیا نے 109 اوورز میں 422/7 رنز بنا لئے۔ آسٹریلیا نے صبح کے سیشن میں 95 رنز بنائے تھے، لیکن ہندوستان کی بہترین بولنگ کی بدولت وہ پوری طرح سے حاوی نہیں ہو سکے۔ دن کا آغاز محمد سراج نے اسمتھ کو لگاتار دو ہاف والی گیند کرنے کے ساتھ کیا، جس نے دونوں گیندوں پر شاندار انداز میں چوکے لگاکر اپنی 31ویں ٹسٹ سنچری بنائی، یہ انگلینڈ میں اس کی ساتویں سنچری بھی ہے اور ہندوستان کے خلاف جیو روٹ کی جانب سے بنائے جانے والے سب سے زیادہ سنچریوں کا ریکارڈ بھی برابر کرلیا۔اسمتھ نے 121 رنز بنائے جبکہ دوسری طرف ہیڈ نے 163رنز بنائے ۔ ہیڈ نے اپنی اننگز کے دوران 25 چوکے اور ایک چھکا لگایا ۔ اسٹیو اسمتھ نے جمعرات کو یہاں اوول میں ٹسٹ کے دوسرے دن 121 رنز بنانے کے بعد ہندوستان کے خلاف ٹسٹ میں سب سے زیادہ سنچریاں بنانے والے انگلینڈ کے سابق کپتان جو روٹ کی تعداد برابر کر دیہندوستان کیلئے ابتدائی سیشن میں محمد سراج اور محمد سمیع نے شاندار بولنگ کا مظاہرہ کیا اور آسٹریلیا کو 469 پر آل آوٹ کردیا ۔سراج نے 4 وکٹیں لی۔
