گلبرگہ 25 فبروری (سیاست ڈسٹرکٹ نیوز ): صبا گارڈن فنکشن ہال ہاگرگہ روڈ گلبرگہ میں سرڈگی ڈگری کالج کا سالانہ جلسہ بروز ہفتہ دوپہر تین بجے منعقد کیا گیا ؛۔ سابق رکن پارلیمینٹ گلبرگہ الحاج اقبال احمد سرڈگی صدر جلسہ نے پودوں کی آب پاشی کرکے اس ثقافتی پروگرام کا افتتاح کیا ۔محترمہ کنیز فاطمہ رکن اسمبلی گلبرگہ شمالی و صدر نشین سلک انڈسٹریز کارپوریشن اور پروفیسرعبدالحمید اکبر صدر نشین اردو ڈپارٹمینٹ خواجہ بندہ نواز یونیورسٹی گلبرگہ نے بحیثیت مہمانان خصوصی شرکت کی ۔دیگر مہمانان میں واحدد علی فاتحہ خوانی ، فراز الاسلام رکن کرناٹک پردیش کانگریس کمیٹی، زید الاسلام ،مظہر عالم خان، اجمل گولہ ، نعیم خان ساجد علی رنجولوی ، مبین احمد ، احمد قریشی و دیگر معززین شریک تھے ۔ اس موقع پر طلبا نے حب الوطنی پر مشتمل گیت پیش کیا ۔ سرڈگی ڈگری کالج کے ذمہ داران سابق کارپوریٹر تنویر احمد سرڈگی ، ظہیر احمد سرڈگی ، ذوالفقار احمد سرڈگی اس جلسہ میں شریک تھے ۔ پرنسپل سرڈگی ڈگری کالج جناب محسن حسینی کے شکریہ پر جلسہ اختتام کو پہنچا ۔ اس جلسہ میں طلبا و طالبات کی کثیر تعداد شریک تھی ۔
