ریاض ( کے این واصف ) سال 2024 کے عازمین حج کیلئے ایک اہم اطلاع ، سرکاری اسکیم کے تحت درخواستیں جمع کروانے کی تاریخ میں 22ڈسمبر تک توسیع کردی ۔ ترجمان مذہبی اُمور کے مطابق عازمین حج کے اصرار پر وزارت مذہبی اُمور نے درخواستوں کی وصولی میں 10دن کی توسیع کا اعلان کیا ہے ۔ ترجمان کا مزید کہنا ہے کہ اسپانسر شپ اسکیم میں پہلے آیئے پہلے پایئے کی بنیاد پر درخواستیں وصول کی جارہی ہیں ۔ بیرون ملک سے ڈالر میں ادائیگی کرنے والوں کو بغیر قرعہ اندازی کامیاب قرار دیا جائے گا جبکہ حج بدل پر پانچ سال کی پابندی بھی ختم کردی گئی ہے ۔ ترجمان مذہبی اُمور نے بتایا کہ گزشتہ پانچ سال کے دوران حج کرنے والے رواں برس حج درخواست دینے کے اہل ہوں گے ۔ اکیلی خاتون حلف نامہ فراہم کرنے پر خواتین کے قابل اعتماد گروپ کے ساتھ حج کرنے کی اجازت ہے ۔
