حیدرآباد ۔ 2 اکتوبر ( یو این آئی) انسانیت کی بہترین مثال پیش کرتے ہوئے تلنگانہ کے وزیرانفارمیشن ٹکنالوجی سریدھر بابو نے حادثہ میں زخمی شخص کی اسپتال منتقلی کو یقینی بنایا۔تفصیلات کے مطابق کل رات تقریباً 9 بجے وزیر موصوف منتھنی اسمبلی حلقہ میں مختلف پروگراموں میں شرکت کے بعد کریم نگر کیلئے روانہ ہوئے ۔راستے میں پداپلی کے مضافات میں ایک بائیک سوار سڑک حادثہ کا شکارہوکر زخمی حالت میں پڑا ہوا پایا گیا جسے دیکھ کر وزیرموصوف نے اپنی گاڑیوں کے قافلہ کورکوایا۔انہوں نے اپنی گاڑی سے نیچے اتر کراس کو دیکھا اور اپنے ساتھ موجود عملہ کے ذریعہ اس کو اسپتال روانہ کیا۔ انہوں نے ساتھ ہی فون کے ذریعہ ڈاکٹرس سے بات کی اور اس شخص کے بہتر علاج کو یقینی بنانے کی ہدایت دی۔
