کولمبو ۔6 اپریل (سیاست ڈاٹ کام)کورونا وائرس کی وجہ سے گھر میں قید سری لنکائی کرکٹرز ان دنوں گھرمیں باغبانی چیلنج میں مصروف ہیں۔اس چیلنج کو سابق کپتان کمارسنگاکارا نے بھی قبول کرتے ہوئے اپنے گھر کے باغیچہ کی تصاویر شوشل میڈیا پر شائع کی ہیں۔ جس میں دیکھا جاسکتا ہے کہ ماضی میں لگائے گئے پودے اب پیداوار دینا شروع ہوگئے ہیں۔کمار سنگاکارا نے ان کے ساتھ تصاویر جاری کی ہے۔ انہوں نے کہا ان پر پھل لگا دیکھ کر بہت خوش ہوں، یہ ہمارے گھر اور ہمسایوں کے لیے کافی ہیں۔ ایم سی سی کے صدر نے اپیل کی کہ آپ بھی گھر میں باغبانی کریں۔ کمار سنگاکارا کی طرح جیون مینڈس، اینجلو میتھوز، ڈینش چندی مل، ڈریموتھ کرونا رتنے، دھیمکا پرشاد، تیشارا پیریرا اور دوسرے کرکٹرز بھی گھریلو باغبانی کے اس چیلنج میں بڑھ چڑھ کر حصہ لے رہے ہیں۔ انہوں نے عوام سے بھی گھر پر رہنے کی درخواست کی ہے تاکہ اس عالمی وبا کا مقابلہ کیا جاسکے۔
