گال ۔ پاکستان نے گال میں کھیلے گئے پہلے ٹسٹ میچ میں سری لنکا کو 4 وکٹوں سے شکست دے دی۔ سری لنکا کی جانب سے دیے گئے 131 رنز کے ہدف کو پاکستان نے 6 وکٹوں کے نقصان پر حاصل کر لیا۔ ہدف کے تعاقب میں مہمان ٹیم کی جانب سے امام الحق 50 اور آغا سلمان 6 رنز بنا کر ناٹ آؤٹ رہے۔ پاکستان ٹیم کے کپتان بابر اعظم 24، سعود شکیل 30 رنز بنا کر آؤٹ ہوئے جبکہ سرفراز احمد صرف ایک رن بنا کر پویلین لوٹ گئے۔ عبداللّٰہ شفیق 8، شان مسعود 7 اور نعمان علی صفر پر آؤٹ ہوئے۔ سری لنکاکی جانب سے پراباتھ جیسوریا نے 4 اور رمیش مینڈس نے ایک وکٹ حاصل کی جبکہ پاکستان کا ایک کھلاڑی رن آؤٹ ہوا۔ پاکستان کو دو ٹیسٹ میچزکی سیریز میں 0-1 کی برتری حاصل ہوگئی اور وہ اس کامیابی کے بعد ورلڈ ٹسٹ چمپئن شپ کے جدول میں ہندوستان کے ساتھ پہلے مقام پر پہنچ چکا ہے جیسا کہ ہندوستان نے ویسٹ انڈیز کے خلاف پہلے ٹسٹ میں اننگز کی کامیابی حاصل کی تھی۔ مڈل آرڈر بیٹر سعود شکیل کو ٹسٹ میچ کی پہلی اننگز میں شاندار ڈبل سنچری بنانے پر پلیئر آف دی میچ کا ایوارڈ دیا گیا۔ صبح اوپنر امام الحق نے 25 اور کپتان بابر اعظم نے 6 رنز کے ساتھ پانچویں دن کے کھیل کا آغازکیا۔ پاکستان نے چوتھے دن کے کھیل کے اختتام تک 131 رنز کے ہدف کے تعاقب میں 3 وکٹوں کے نقصان پر 48 رنز بنائے تھے۔ قبل ازیں دوسری اننگز میں سری لنکا کی ٹیم 279 رنز بنا کرآؤٹ ہوگئی تھی، پاکستان کو جیت کیلیے 131 رنز کا ہدف دیا تھا۔ سری لنکا کی جانب سے دھننجایا ڈی سلوا ٹاپ اسکورر رہے، انہوں نے 82 رنز کی اننگز کھیل کر اپنی ٹیم کے لیے قابلِ ذکر برتری حاصل کرنے میں کلیدی کردار ادا کیا۔ پاکستان کی جانب سے نعمان علی اور ابرار احمد نے فی کس تین کھلاڑیوں کو آؤٹ کیا جبکہ آغا سلمان اور شاہین شاہ آفریدی نے فی کس دو وکٹیں لیں۔قبل ازیں پہلی اننگز میں پاکستانی ٹیم 461 رنز بنا کر آؤٹ ہوئی تھی، مڈل آرڈر بیٹر سعود شکیل نے 208 رنز کی ناقابلِ شکست اننگزکھیلی، جس کی بدولت مہمان ٹیم کو میزبان ٹیم پر 149 رنزکی برتری حاصل ہو ئی تھی۔ سری لنکا کی جانب سے رمیش مینڈس نے 5 وکٹیں حاصل کیں، پراباتھ جیسوریا نے تین کھلاڑیوں کو آؤٹ کیا جبکہ کسون رجیتھا اور وشوا فرنینڈو نے فی کس ایک بیٹرکو پویلین کی راہ دکھائی۔ واضح رہے کہ ابتدا میں جلد وکٹیں گنوانے کے باوجود سری لنکائی ٹیم نے پہلی اننگز میں بورڈ پر 312 کا اسکور سجایا تھا۔ میزبان ٹیم کی جانب سے دھننجایا ڈی سلوا 122 رنز بنا کر ٹاپ اسکورر رہے۔ سری لنکا کے اینجلو میتھیوز نے 64 اور سدیرا سماراوکرما نے 36 رنز بنائے۔ پاکستان کی طرف سے شاہین شاہ آفریدی، نسیم شاہ اور ابرار احمد نے فی کس 3 وکٹیں حاصل کیں جبکہ آغا سلمان نے ایک کھلاڑی کو آؤٹ کیا۔اس کامیابی کے ساتھ پاکستان نے میزبان سری لنکا کے خلاف رواں سیریز میں 1-0 کی سبقت حاصل کرلی ہے ۔
ریئل می کا سی 53 متعارف
نئی دہلی۔ سب سے زیادہ قابل اعتماد اسمارٹ فون سروس فراہم کنندہ ریئل می نے آج ریئل می سی 53 کے آغازکا اعلان کیا، جو اس کی چمپئن سیریز اور ریئل می پیاڈ2 میں سب سے اہم اور نیا اضافہ ہے، جو نوجوانوں کے لیے بہترین ڈیوائز ہے۔ جدید خصوصیات، لیپ فارورڈ تکنیکی ترقی اور طاقتور کارکردگی سے مزین یہ انقلاب لانے کے لیے تیار ہے۔ یہ مختلف خصوصیات اور سہولیات کے ساتھ دستیاب ہے ۔