ممبئی۔ ممبئی پولیس نے بالی ووڈ کے معروف ڈائریکٹر اور پروڈیوسرسنجے لیلا بھنسالی کو سشانت سنگھ راجپوت خودکشی معاملے میں یش راج فلمس کے کاسٹنگ ڈائریکٹر شانو شرما کے ساتھ پوچھ کے لئے سمن بھیجا ہے جن سے جمعہ کو پوچھ تاچھ متوقع ہے۔ شرما کو دوسری مرتبہ پوچھ تاچھ کے لئے بلایا جارہا ہے ۔ اس سے قبل 28 جون کو پہلی مرتبہ ان سے پوچھ گچھ کی گئی تھی۔باندرا پولیس کے مطابق بھنسانی کو ایک سمن بھیجا گیا ہے جس میں انہیں شانو شرما کے ساتھ تھانے میں پیش ہونے کے لئے کہا گیا ہے ۔ ممبئی پولیس اس معاملے میں اب تک 30 سے زائد افراد سے پوچھ تاچھ کرچکی ہے ۔
