ممبئی 15 جون ( سیاست ڈاٹ کام) بالی ووڈ اداکار سشانت سنگھ راجپوت کی موت پر سروں کی ملکہ لتا منگیشکر ، ہی نہیں بلکہ دھرمیندر، سلمان خان‘ پرینکا چوپڑا اور دیگر فنکاروںنے ا ظہار افسوس کیا ہے ۔لتا منگیشکر اب بھی کرکٹ اور فلمیں بہت شوق سے دیکھتی ہیں اور وقتا فوقتا ٹوئٹر پر اپنی رائے کا اظہار بھی کرتی ہیں۔ جب دھونی پر مبنی فلم ایم ایس دھونی ۔ اَن ٹولڈ اسٹوری ریلیز ہوئی تو لتا خود کو فلم دیکھنے سے نہیں روک سکیں۔ فلم کے ساتھ انہیں سشانت سنگھ راجپوت کی اداکاری بھی پسند آئی۔ لتا نے ٹویٹ کیا کہ سشانت سنگھ راجپوت کی خود کشی کی خبر سن کر میں حیران ہوں۔ ہماری کبھی ملاقات نہیں ہوئی لیکن انہوں نے فلم دھونی میں ایسی خوبصورت پرفارمنس پیش کی تھی جسے میں کبھی نہیں بھول سکتی۔ میں انہیں خراج عقیدت پیش کرتی ہوں۔ دھرمیندر بھی سشانت کی موت سے جذباتی ہوگئے ۔ انہوں نے سوشل میڈیا کے ذریعہ اپنا دکھ ظاہر کرتے ہوئے ٹویٹر پر سشانت کی تصویر پوسٹ کی اور لکھا ‘‘ پیارے سوشانت ، نہ فلم دیکھی ، نہ کبھی ملا تم سے ۔ پر تیرے اچانک چلے جانے سے بڑا صدمہ لگا۔ یہ خوبصورت پیارا شو بزنس واقعی بہت بے رحم ہے ۔ میں تمہارا ناقابل برداشت درد محسوس کرسکتا ہوں۔ سلمان خان نے بھی سشانت کی موت پر افسوس ظاہر کیا ہے ۔ انہوں نے اپنے ٹویٹ میں لکھا ہے ، ‘‘آپ بہت یاد آؤگے سشانت’’۔پرینکا چوپڑا نے سوشانت کی موت کے بعد انہیں یاد کرتے ہوئے ان کے لئے ایک پیغام لکھا ہے ۔ پرینکا نے سشانت کے ساتھ فوٹو شیئر کرتے ہوئے لکھا ‘‘میں حیران ہوں، تم کتنے درد میں رہے ہونگے ۔