بغداد: عراقی وزیر تیل حیان عبدالغنی نے کہا ہے کہ سعودی تیل کمپنی آرامکو عراق میں ایک گیس فیلڈ تیار کرے گی۔اس گیس فیلڈ سے روزانہ 40 کروڑ مکعب فٹ سے زیادہ گیس پیدا ہوگی۔ عراقی وزارت تیل نے وزیرعبدالغنی کے حوالے سے سعودی آرامکو مغربی صوبہ الانبار میں عکاس گیس فیلڈ میں سرمایہ کاری اور ترقی کرے گی۔بیان میں مزید کہا گیا ہے کہ سعودی عرب کے ساتھ نیبراس منصوبہ میں سرمایہ کاری کا ابتدائی معاہدہ طے پاگیا ہے۔ جوعراق اور خطے میں پیٹروکیمیکل صنعتوں میں سب سے زیادہ امید افزا تزویراتی منصوبوں میں سے ایک ہے۔
