ریاض،10 نومبر (ایجنسیز) سعودی عرب کے وزیرِ خارجہ شہزادہ فیصل بن فرحان نے ریاض میں سری لنکا کے وزیرِ خارجہ، بیرونِ ملک ملازمت اور سیاحت کے وزیر وجیتھا ہیرتھ سے ملاقات کی۔ سعودی پریس ایجنسی کے مطابق ملاقات میں دونوں وزرائے خارجہ نے دو طرفہ تعلقات، علاقائی اور عالمی امور پر تبادلہ خیال کیا جو باہمی دلچسپی کا موضوع ہیں۔ ملاقات کے اختتام پر شہزادہ فیصل بن فرحان نے وجیتھا ہیرتھ کو سعودی عرب اور سری لنکا کے درمیان سفارتی تعلقات کے 50 سال مکمل ہونے پر یادگاری ڈاک ٹکٹ پیش کیا۔ وزارتِ خارجہ کے جنوبی ایشیا کے شعبہ کے ڈائریکٹر ماجد بن عبدالرحمن العتیبی بھی اس موقع پر موجود تھے، ایس پی اے نے مزید بتایا۔
