روس نے اپنے کورونا وائرس ویکسین کے کلینکل ٹرائل کے انعقاد کیلئے اصولی طور پر سعودی عرب اور متحدہ عرب امارات سے معاہدہ کیا ہے ۔ سعودی عرب کی فارماسیوٹیکل کمپنی کے ساتھ روسی ماہرین کام کررہے ہیں ۔ روس کے راست سرمایہ کاری فنڈ کے چیف ایکزیکٹیو آفیسر نے بتایا کہ مرحلہ ایک اور مرحلہ دو کی آزمائش کے اعداد و شمار بھی شیئر کئے گئے ہیں ۔ ایک علحدہ اطلاع کے مطابق ماسکو کے گمالیا ریسرچ انسٹی ٹیوٹ کے سربراہ الیکزینڈر گنڈسبرگ نے بتایا کہ ایبولا اور ایم ای آر ایس کیلئے ویکسین پر کام کرنے کے تجربہ سے کووڈ ۔19 ویکسین ’’اسپوٹنک V ‘‘کی 5 ماہ میں تیاری میں مدد ملی ۔