ریاض :سعودی شہر جدہ سے ہندوستان پہنچنے والے سعودی بوئنگ طیارے کو کولکتہ انٹرنیشنل ائیرپورٹ پر لینڈنگ سے قبل ہنگامی صورتحال کا سامنا کرنا پڑا تاہم فضا میں کئی چکر کاٹنے کے بعد طیارہ باحفاظت لینڈ کرگیا۔ ایوی ایشن ذرائع کے مطابق پرواز ایس وی 972 کے طور پر سعودی کارگو طیارے نے 15 اپریل کی صبح جدہ انٹرنیشنل ائیرپورٹ سے کولکتہ انٹرنیشنل ائیرپورٹ کیلئے ٹیک آف کیا۔بوئنگ 777 طیارہ کولکتہ انٹرنیشنل ائیرپورٹ پر اترنے والا تھا کہ طیارے سے ریڈار کو ہنگامی صورتحال کے سگنل موصول ہوئے۔ ائیر ٹریفک کنٹرولر کی ہدایت پر طیارے کو فضا میں ہولڈ کرلیا گیا اور پائلٹ نے 20 منٹ تک طیارے کو فضا میں چکر لگوائے بعد ازاں باحفاظت لینڈنگ کی ۔
