واشنگٹن: امریکی صدر جو بائیڈن نے کہا ہے کہ سعودی عرب اسرائیل کو تسلیم کرنے کو تیار ہے، ایک انٹرویو کے دوران بائیڈن نے کہا کہ وہ قطر سمیت 6 عرب ملکوں سے رابطے میں ہیں۔انہوں نے کہا کہ غزہ میں جنگ بندی سے ہمیں اس سمت میں آگے بڑھنے کا موقع ملے گا جس کے لیے بہت سے عرب ملک تیار ہیں۔امریکی صدر کا کہنا تھا کہ اسرائیل کا وجود برقرار رکھنے کے لیے دو ریاستی حل ضروری ہے، اسرائیل نے رفح میں فلسطینیوں کی جانوں کا تحفظ یقینی نہ بنایا تو عالمی حمایت کھو دے گا۔
بائیڈن کو اسرائیل۔غزہ جنگ پر مخالفت کا سامنا
واشنگٹن: امریکی ریاست مشی گن سے امریکی صدر بائیڈن نے ڈیموکریٹک پرائمری الیکشن جیت لیے لیکن ابتدائی نتائج سے ظاہر ہوتا ہے کہ انہیں غزہ پر اسرائیل کی جنگ کی حمایت پر مخالفت کا سامنا کرنا پڑا۔قطری نشریاتی ادارے الجزیرہ کی رپورٹ کے مطابق مشی گن (جہاں عرب نژاد امریکیوں کی بہت بڑی تعداد آباد ہے ) غزہ میں اسرائیلی جنگ کے حوالے سے پالیسی پر یہاں کے ڈیمو کریٹس میں اور خصوصا عرب امریکیوں میں ناراضگی پائی جاتی ہے ۔صدر جوبائیڈن جنہیں دوسری بار صدراتی انتخاب میں منظوری لینے کیلئے اگرچہ کسی بڑے مسئلے کا سامنا نہیں کرنا پڑا ہے مگر مشی گن میں مشکلات کا خطرہ موجود ہے ۔ایڈیسن ریسرچ کے مطابق جوبائیڈن کو صدارتی نامزدگی کیلئے مشی گن کے پرائمری الیکشن میں اسی فیصد ووٹ ملے جبکہ 16 فیصد شہریوں نے ان کمیٹیڈ ووٹ دیا۔27 فروری کے پرائمری انتخابات کے موقع پر سرگرم کارکنوں نے مشی گن کے رہنے والے احتجاج کے طور پر جوبائیڈن کو ‘ غیر پابند ‘ ووٹ دینے کی اپیل کی گئی تاکہ جوبائیڈن پر اسرائیل سے متعلق پالیسی کے سبب دباؤ ڈالا جا سکے اور انہین فوری جنگ بندی کیلئے مجبور کریں۔مشی گن میں ڈیموکریٹک صدارتی پرائمری انتخابات میں 14 فیصد ووٹوں کی گنتی کے ساتھ، 20ہزار سے زیادہ لوگوں نے غزہ پر اسرائیل کی جنگ کی مخالفت کرتے ہوئے بائیڈن کے خلاف احتجاجاً غیر پابند ووٹ دیا۔