ریاض، 12 اگست (یو این آئی) سعودی عرب میں شدید بارش کا انتباہ جاری کیا گیا ہے ، جس میں درمیانے سے شدید درجے کی بارش اور ژالہ باری کا امکان ہے ۔سعودی عرب کے محکمہ شہری دفاع نے مملکت کے مختلف علاقوں میں ہفتے تک جاری رہنے والی ممکنہ بارش کے پیش نظر الرٹ جاری کردیا ہے۔ مکہ شہر، طائف، جازان، عسیر اور الباحہ سمیت دیگر خطوں میں بھی بارش کا امکان ظاہر کیا گیا ہے۔ محکمہ شہری دفاع نے خبردار کیا ہے کہ مملکت کے کئی علاقوں میں درمیانے سے شدید درجہ کی بارش، ژالہ باری اور گرد آلود ہوائیں اور بعض مقامات پر سیلابی صورت حال کا بھی خدشہ ہے ، اس لیے عوام سے اپیل ہے کہ وہ غیرضروری طور پر گھروں سے باہر نہ نکلیں اور محفوظ مقامات پر رہیں۔
