ریاض ۔10 جنوری (سیاست ڈاٹ کام) سعودی عرب میں پہلی مرتبہ میں خواتین سائیکلنگ ریس سیریز کا انعقاد کیا گیا۔ سعودی اسپورٹ فیڈریشن کی جانب سے ملک کی تاریخ میں پہلی مرتبہ خواتین سائیکلنگ ریس سیریز کا انعقاد کیا گیا جس میں 1 ہزار خواتین سائیکلسٹ نے حصہ لیا۔سائیکلنگ ریس 3 مرحلے پر مشتمل تھی جس کی فاتح نادیہ شوکدی قرار پائیں۔ کھیل کے پہلے مرحلے میں بھی نادیہ شوکدی نے اپنی بھرپور صلاحیتوں کا مظاہرہ کیا اور پہلے نمبر پر رہیں جبکہ فلوریا مارٹیا دوسری اور الہم زید نے تیسرا مقام حاصل کیا۔ مقابلے کے دوسرے مرحلے کا کھیل بھی عمدہ رہا، فلوریا مارٹیا نے پہلا مقام حاصل کیا۔سیریز کا فائنل اور اختتامی مرحلہ الخوبر میں ہوا جہاں نادیہ شوکدی نے حریف کو پیچھے چھوڑ دیا اور تاریخی فتح بھی اپنے نام کرلی۔
