ریاض /17 نومبر ( سیاست ڈاٹ کام ) سعودی عرب میں موسم سرما کا آغاز ہو چکا ہے، مختلف شہروں میں بارش او ر ژالہ باری کا سلسلہ جاری ہے۔ جنوبی علاقے الجوف میں مسلسل ہونے والی ڑالہ باری نے صحرا کی ریت کو سفید چادر میں تبدیل کر دیا۔سعودی محکمہ موسمیات کے مطابق آئندہ چند ہفتوں تک علاقے میں مزید ژالہ باری اور بارش کا امکان ہے جس سے علاقے میں سردی کی شدت میں بھی اضافہ ہو گا۔ سعودی ذرائع ابلاغ نے الجوف کے صحرا کی تصاویر شائع کی ہیں جسے دیکھ کر ایسا محسوس ہوتا ہے کہ صحرا نے سفید چادر اوڑھ لی ہے۔ ژالہ باری کے دوران علاقے کے لوگوں کی بڑی تعداد میں صحرا میں تفریح کیلئے پہنچ گئی۔خوبصورت مناظر کو کیمرے میں قید کیا۔ الجوف کے علاوہ تبوک اور دیگر مغربی علاقوں میں بھی سرد ی میں اضافہ ریکارڈ کیا جارہا ہے۔