ریاض ۔29 اپریل ۔( سیاست ڈاٹ کام ) سعودی عرب کے دارالحکومت ریاض میں کورونا کا شکار ہونے والی ایک خاتون نے بچے کو جنم دیا ہے۔ سعودی عرب میں یہ اپنی نوعیت کا پہلا کیس ہے۔ ’العربیہ‘کے مطابق کورونا کی وجہ سے قرنطینہ کی گئی خاتون کو زچگی کی تکلیف شروع ہوئی جسے ضروری حفاظتی انتظامات یقینی بنانے کے بعد ریاض کے امام عبدالرحمان الفیصل اسپتال منتقل کیا گیا جہاں اس نے بچے کو جنم دیا ہے۔اس اسپتال میں ایسے مریضوں کیلئے تمام ضروری حفاظتی انتظامات پہلے سے موجود ہیں۔ بچے اور اس کی ماں کی حفاظت یقینی بنانے میں اسپتال کی ٹیم نے اہم کردارادا کیا۔سعودی حکام کا کہنا ہے کہ زچگی کا شکار ہونے والی خاتون اور بچے دونوں کی حالت بہتر ہے۔