واشنگٹن: امریکی قانون سازوں نے سعودی عرب میں آئندہ ماہ ہونے والی G-20 سمٹ کا بائیکاٹ کرنے کا مطالبہ کر دیا ہے۔ 45 امریکی قانون سازوں نے اصرار کیا ہے کہ انسانی حقوق کی مبینہ پامالیوں کے تناظر میں امریکی حکومت کو آئندہ ماہ ریاض میں ہونے والی اس سمٹ میں شریک نہیں ہونا چاہیے۔ امریکی کانگریس کے ممبران نے وزیر خارجہ مائیکل پومپیو سے یہ مطالبہ ایک ایسے وقت میں کیا ہے، جب یورپی یونین نے ان ہی تحفظات کی بنا پر اس سمٹ میں اپنی حاضری محدود کرنے کی ایک قرار داد منظور کی ہے۔