ریاض ۔ مئی کے آخر تک سعودی عرب کو 30 لاکھ فائزر ویکسین مل جائیں گی۔ میڈیا کے بموجب سعودی عرب کو آئندہ برس مئی 2021 تک فائزربائیونٹک کی30 لاکھ ویکسینز موصول ہوجائیں گی۔ فروری 2021 کے آخر تک فائز کمپنی کی جانب سے 10 لاکھ ویکسین کی خوراک موصول ہو جائے گی جو 5 لاکھ افراد کو لگائی جاسکے گی۔ ایک شخص کے لئے ویکسین کی 2 خوراکیں مخصوص ہیں۔ مارچ سے مئی کے آخر تک سعودی عرب کو مزید 20 لاکھ ویکسین موصول ہونگی اس دوران مزید ویکسینز بھی منظورہو جائیں گی جن پر تاحال کام جاری ہے۔ واضح رہے سعودی فوڈ اینڈ ڈرگ اتھارٹی کی جانب سے فائزربائیونٹک کی ویکسین کو سعودی عرب کے لیے رجسٹر کئے جانے سے قبل اس کے بارے میں تمام معلومات حاصل کرلی گئی تھیں۔ اس حوالے سے اتھارٹی نے ویکسین کے کلینکل ٹرائل اور دیگر تجرباتی مراحل کی تمام رپورٹس کا بھی جائزہ لیا تھا۔
