ریاض ؍نئی دہلی : سعودی عرب اور خلیجی ممالک کو ہندوستان سے جوڑنے کے لیے آبی گزرگاہ بنانے پر غور کیا جارہا ہے جو یونان اور قبرص تک پھیلی ہوئی ہوگی۔ میڈیا کے مطابق 12 سے 14 نومبر کے درمیان دبئی میں متعدد ممالک کے حکام آبی گزر گاہ کے امکانات پرغور کریں گے۔تفصیلات کے مطابق سعودی عرب، خلیجی ممالک اور ہندوستان سمیت متعدد مغربی ممالک مذکورہ آبی گزرگاہ کی تجویز پر غور کر رہے ہیں۔یہ آبی گزرگاہ ہندوستان کو سعودی عرب اور خلیجی ممالک کے علاوہ بحیرہ روم کے ذریعہ مغربی ممالک سے جوڑ دے گی۔اس آبی گزرگاہ سے خلیجی ممالک کو انڈیا، مغربی ایشیا اور یورپ سے مربوط کر دیا جائے گا۔یاد رہے کہ مذکورہ آبی گزرگاہ کی تجویز گزشتہ سال پیش کی گئی تھی جس کے ابتدائی مرحلوں پر غور کیا گیا ہے۔
