میلبورن۔11 مئی (سیاست ڈاٹ کام) آسٹریلیا میں سعودی سفارتخانے نے نئے کورونا وائرس کی وبا سے متاثر مسلمانوں میں رمضان راشن پیکٹ تقسیم کرائے ہیں۔سعودی خبررساں ادارے ایس پی اے کے مطابق سعودی سفیر مساعدبن ابراہیم السلیم نے کہا کہ سفارتخانے نے ا?سٹریلیا کے اسلامی مراکز اور انجمنوں کے تعاون سے ا?سٹریلیا، جمہوریہ فیجی کے جزائر، نیوگنی اور ا?س پاس کے جزائر میں ا?باد ناداروں میں رمضان راشن پیکٹس تقسیم کرا رہا ہے۔شاہ سلمان مرکز فلسطین میں 1015 رمضان راشن پیکٹ تقسیم کراچکا ہے جبکہ غزہ پٹی میں رمضان راشن کی تقسیم جاری ہے۔یمن اور سوڈان میں بھی راشن کی تقسیم کی جا چکی ہے۔دریں اثنا تھائی لینڈ اور کمبوڈیا کے سرکاری ٹی وی نے روزہ داروں کے لیے خادم حرمین شریفین افطار راشن سکیم پر پروگرام پیش کیا ہے۔ایس پی اے کے مطابق وزارت اسلامی امورو دعوت و رہنمائی دنیا کے دیگر ملکوں کی طرح بینکاک میں بھی افطار پروگرام چلا رہی ہے جس سے تھائی لینڈ کے متعدد علاقوں کے ضرورت لوگ فائدہ اٹھا رہے ہیں۔روزہ داروں کے لیے افطار پروگرام کو دنیا بھر کے مسلم حلقوں میں پذیرائی مل رہی ہے۔ نئے کورونا وائرس کے بحران کے مدنظر غیر مسلم بھی اسے پسندیدگی کی نظر سے دیکھ رہے ہیں۔وزارت اسلامی امور نے بینکاک میں ادارہ سیخ الاسلام کیہیڈ کوارٹر میں روزہ داروں کے افطار پروگرام کی افتتاحی تقریب منعقد کی اور4 ہزار سے زیادہ رمضان راشن پیکٹ تقسیم کیے گئے۔ 30 ہزار روزہ داروں کو رمضان راشن پیکٹ تقسیم کیے جائیں گے۔تھائی لینڈ کے تمام صوبوں میں یہ فلاحی کام انجام دیا جائے گا۔ خصوصا جنوبی صوبوں میں جہاں مسلمان زیادہ بڑی تعداد میں آباد ہیں یہ کام ترجیحی بنیادوں پرانجام دیا جائیگا۔سعفودی سفیر سعود السویلم نے بتایا کہ یہ پروگرام کمبوڈیا سمیت 18 ممالک میں نافذ کیا جارہا ہے اس کا مقصد مسلم بھائیوں کے ساتھ دینی رشتوں کو مضبوط بنانا ہے۔