ریاض : یمن کی حکومت نے بتایا ہے کہ ملک میں کورونا ویکسین کی فراہمی کا سلسلہ شروع کر دیا گیا ہے۔ یمنی حکومت کے مطابق یمن کیلئے کورونا ویکسین کی 12 ملین خوراکیں فراہم کی جائیں گی۔ جن میں سے نصف خوراکیں شاہ سلمان ریلیف سینٹر کی طرف سے فراہم کیے جانے کا اعلان کیا گیا ہے۔یمنی وزارت ذراعت کے سیکرٹری علی الولیدی نے عبوری دارالحکومت عدن میں ایک پریس کانفرنس سے خطاب میں کہا کہ ان کی حکومت کو پہلے مرحلے میں کورونا ویکسین کی 3 لاکھ 60 ہزار خوراکیں فراہم کی گئیں۔ مئی تک مزید 6 لاکھ خوراکیں فراہم کی جائیں گی۔ایک سوال کے جواب میں انہوں نے کہا کہ رواں سال کے آخر تک کویکس معاہدہ کے تحت یمن کو 12 ملین خوراکیں فراہم کی جائیں گی۔یمن کیایک عہدیدار نے بتایا کہ آئینی حکومت کو کورونا ویکسین کی فراہم کردہ کل خوراکوں میں 50 فی صد سعودی عرب کے شاہ سلمان ہیومنیٹیرینز اینڈ ریلیف سینٹر کی طرف سے فراہم کی جائے گی۔الولیدی نے کہا کہ پہلے مرحلے میں کورونا کی دی جانے والی خوراکوں کو عالمی ادارے صحت، یونیسیف اور دیگر اداروں کے تعاون سے 60 سال سے زاید عمر کے افراد کو ویکسین لگائی جائے گی۔سیکرٹری صحت نے بتایاکہ عالمی ادارہ صحت کی نگرانی میں یمن کی 13 گورنریوں کے 133 ڈاریکٹوریٹس میں کورونا ویکسین فراہم کی جائے گی۔اسی سیاق میں یمن کی انسداد کورونا ہنگامی کمیٹی نے اتوار کوجاری کردہ ایک بیان میں بتایا کہ ملک میں گذشتہ چوبیس گھنٹوںکے دوران کورونا کے مزید 18 مریض چل بسے جبکہ 81 نئے کیسز کی تصدیق کی گئی ہے۔