ریاض ۔ سعودی عرب میں گورنر نجران شہزادہ جلوی بن عبدالعزیز نے کورونا کے معاملات بڑھ جانے پر 16 مساجد، کئی شادی خانوں اور 20 تجارتی مراکز بند کردیے گئے ہیں ۔ مساجد غیر ملکی کارکنان کے رہائشی علاقوں میں تھیں۔ جہاں کورونا وائرس کے معاملات بہت زیادہ بڑھ گئے ۔ مقامی میڈیا کے مطابق نجران میں کورونا وائرس کی تازہ صورتحال پر غورکے لیے متعقلہ اداروں کا ہنگامی اجلاس ہوا۔گورنر نجران نے محکہ صحت کے دفتر میں اس کی صدارت کی۔اس موقع پر سماجی تقریبات اور ریسٹ ہاوسز میں مختلف پروگراموں کے دوران ایس او پیز کی خلاف ورزیوں کا جائزہ لیا گیا۔گورنر نجران نے متعلقہ اداروں کی سفارش پر شادی ہال، تقاریب مراکز، تجارتی مراکز اور 16 مساجد کو بند کرنے کی منظوری دی۔ گورنر نجران نے حکم جاری کیا کہ پولیس ایس او پیز کی خلاف ورزی کرنے والے افراد کے خلاف کارروائی کرے۔ پورے علاقے میں حفاظتی تدابیر پر عملدرآمد کو یقینی بنایا جائے۔ جامع مسجد کے دروازوں پر رضا کار تعینات کیے جائیں اور نامناسب رہائش کے ثبوت ملنے پر مقررہ کارروائی سے حکام اور غیر ملکی کارکنان کو آگاہ اور متنبہ کیا جائے۔
