مدینہ منورہ ۔ 23فبروری ( سیاست ڈاٹ کام ) مدینہ منورہ میں خفیہ پولیس نے گھروں میں چوری کی وارداتیں کرنے والے ایک گروہ کو گرفتار کیا ہے۔ملزمان منظم انداز میں وارداتیں کرتے تھے۔ گروہ میں شامل افریقی عورتیں بیوٹیشن بن کر گھروں میں جاتیں اور وہ موقع کا جائزہ لے کر سعودی شریک کار کو تمام تفصیلات سے آگاہ کرتی تھیں۔ملزمان نشان زدہ گھر کی دور سے ریکی کرتے۔جب گھر والے باہر کہیں گئے ہوتے تو فوری طور پر واردات انجام دیتے تھے۔ابتدائی تحققات میں ملزمان نے بتایا کہ وہ چھ لاکھ پچاس ہزار ریال تک کی اشیا اور نقدی مختلف گھروں سے چوری کر چکے ہیں۔پولیس ذرائع کا کہنا ہے کہ ملزمان کی نشاندہی پر بعض مسروقہ زیورات اور اشیا برآمدکی گئی ہیں۔
