اسلام آباد: رائل سعودی ایئر فورس پاکستان میں ہونے والی “انڈس شیلڈ 2023” مشقوں میں حصہ لے رہی ہے۔ یہ مشقیں اسلامی جمہوریہ پاکستان میں مصحف ایئر بیس پر جاری ہیںمشقوں میں حصہ لینے والے گروپ کو فضائیہ کے ڈپٹی کمانڈر میجر جنرل پائلٹ طلال بن سلیمان الغامدی نے جنوبی سیکٹر میں کنگ خالد ایئر بیس سے روانگی کے وقت رخصت کیا۔فضائیہ کے ڈپٹی کمانڈر نے حصہ لینے والے آلات اور انسانی عناصر کی تیاریوں کا جائزہ لیا۔فضائیہ کے ڈپٹی کمانڈر نے شرکا پر زور دیا کہ وہ مشق کا بھرپور فائدہ اٹھائیں، جس سے وہ اپنی جنگی ذمہ داریوں کو مکمل طور پر انجام دینے میں مستفید ہوں گے۔ انہوں نے مشقوں کے مناسب نفاذ کو یقینی بنانے کی اہمیت پر زور دیا۔یہ مشقیں ایک ماہ تک جاری رہیں گی۔
ان کا مقصد بین الاقوامی افواج کے اتحاد میں فضائی جنگی کارروائیوں کی تربیت دینا، جنگی ماحول میں مشترکہ کارروائی کے تصور کو لاگو کرنے سے فائدہ اٹھانا، حقیقی جنگ حصہ لینے والے دوست ممالک کے ساتھ منصوبہ بندی اور عمل درآمد کے میدان میں فوجی تجربات کے تبادلے کے علاوہ اور فضائی اور تکنیکی مدد کرنے والے عملے کی تیاری اور جنگی کارکردگی بڑھاتے ہوئے دوست ممالک کی افواج کے تجربات سے استفادہ کرنا ہے۔
